நேற்று, சென்னை செயின்ட் ஜார்ஜ் கோட்டையில், மதியம் பன்னிரெண்டரை மணிக்கு, தமிழக தலைமை தேர்தல் அதிகாரி பிரவீன் குமார் தலைமையில் அனைத்து கட்சி ஆலோசனை கூட்டம் நடைபெற்றது. வரும் வெள்ளிக்கிழமை நடைபெறவுள்ள வாக்கு எண்ணிக்கை தொடர்பாக கூட்டத்தில் விவாதிக்க பட்டது. இதில் தி.மு.க சார்பாக பொன்முடி, இளங்கோவன் கலந்துகொண்டனர். அங்கீகரிக்கப்பட்ட அரசியல் கட்சிகளுக்கு அழைப்பு விடுக்கப்பட்டும், பகுஜன் சமாஜ் கட்சிக்கு ஒதுக்கப்பட்ட நாற்காலியை நிரப்ப ஆ(ம்ஸ்ட்ராங்)ள் இல்லை. அ.தி.மு.க சார்பாக பன்னீர்செல்வம், மைத்ரையன், செங்கோட்டையன் ஆகியோர் கலந்து கொண்டனர். பிரவீன் வருகை தாமதமானதால் கூட்டம் தொடங்கும் முன், பொன்முடியும், மைத்ரேயனும் கட்சிவேறுபாடு மறந்து தங்களுக்குள் பேசி சிரித்துக்கொண்டிருக்க (Shhhhhh...யாரும் அம்மாவிடம் சொல்லிடாதீங்க), தாமதத்திற்க்கு மன்னிப்பு கேட்க்கும் விதமாக அசடு வழிய அரங்கிட்க்குள் நுழைந்தார் பிரவீன். வந்ததும் வராததுமாக, பிரவீனை சீன்டிபார்க்கும் விதமாக அவர் தாமதமாக வந்ததை பற்றி ஏதோ கேட்டார் பொன்முடி. "இதையெல்லாம் நாங்கள் உங்களிடமிருந்துதான் கற்றுகொள்கிறோம்" என்று பதிலுக்கு நக்கல் அடித்தார், பிரவீன். பின் மூடிய அரங்கில் சுமார் ஒருமணிநேரம் நீடித்தது ஆலோசனை. கூட்டம் முடிந்து முதல் ஆளாக வெளியேவந்த அ.தி.மு.க பிரதிநிதிகளை, பத்திரிக்கையாளர்கள் சூழ்ந்துகொள்ள, "ஐயோ லேட்டா போனா! அம்மா அடிப்பாங்க" என்று சொல்லாமல் சொல்லி நழுவினர் அ(ம்மா).தி.மு.கவினர். அடுத்து வந்த கம்யூனிஸ்ட் கட்சி பிரமுகர்கள் தாங்கள் எடுத்துவைத்த கோரிக்கைகளை விளக்கினர். அதில் முக்கியமானவை, "தேர்தல் ஆணையத்தால் கைப்பற்றபட்ட, ஐம்பத்து இரண்டு கோடிஇல், உரிய ஆவணம் கொடுப்பவர்களுக்கு, சேரவேண்டிய பணத்தை திரும்ப கொடுக்கவேண்டும், மற்ற பணத்தை அரசு கருவூலத்தில் சேர்க்கவேண்டும்", "தேர்தல் ஆணையம், புது மாப்பிள்ளை போல் இல்லாமல்(அதாவது, தேர்தல் முடிந்ததும் இதுவரை காட்டிவந்த மாப்பிள்ளை முறுக்கை விட்டுவிடாமல்)தேர்தல் வழக்குகளாக பதிவு செய்யப்பட்டுள்ள ஐம்பதாயிரம் வழக்குகள் மீது, வாக்கு எண்ணிக்கை முடிந்தவுடன் ஆணையம் உரிய நடவடிக்கை எடுக்கவேண்டும்" என்பவை முக்கியமானவை. கம்யூனிஸ்ட்கள் பேசும்வரை காத்துநின்ற பொன்முடி, பின் வழிய வந்து பேசினார். "தபால் வாக்குகள் முதல் அரைமணிநேரம் மட்டுமே எண்ண படவேண்டும், பிறகு மின்னணு எந்திரத்தை எண்ண வேண்டும்", என தி.மு.க சார்பாக கேட்டு கொண்டதாக கூறினார். பின்னர் பா.ம.க வின் கோ.க.மணி, ஒவ்வொரு சுற்று முடிவின் நகல்கள் வேட்பாளருக்கு கொடுக்கவேண்டும் என கேட்டதாக சொன்னார். அனைத்து கட்சி பிரமுகர்களும் தங்களின் கோரிக்கைகள் அனைத்தையும், ஆணையம், ஏற்று கொண்டதாகவே(அதிசயம்) கூறினர். பின்னர் செய்தியாளர்களை பாழடைந்த கோட்டை.....மன்னிக்கவும், செயின்ட் ஜார்ஜ் கோட்டையின் முதல் இரண்டு மாடிகளுக்கு, இரண்டுமுறை ஏற்றி இறக்கியபின், அப்பாடா....இப்போ பேசலாம் என்று முடிவெடுத்து பேசினார் பிரவீன்குமார். கடந்த ஒருமாதமாக சொல்லிக் கொண்டிருக்கும் அதே விஷயத்தை, கிளிபிள்ளை போல் இன்னும் ஒருமுறை கூறினார். "மற்ற மாவட்டங்களில் உள்ள, தேர்தல் அதிகாரிகளுக்கும் தங்களுக்கும் தகவல் பரிமாற்றத்தில் உள்ள குறைகளை ஒத்துக்கொண்ட பிரவீன், அவை சரிசெய்யபடும் என்று நம்பிக்கையுடன் கூறினார். எல்லாம் முடியும் வேளையில், மணி இரண்டரையை தாண்டி இருந்தது. கீழ் குடல், மேல் குடலை தின்ன, செய்திகளை சுமர்ந்துகொண்டு பசியுடன் கோட்டையை விட்டு வெளியேறினர் செய்தியாளர்கள்.
பின் குறிப்பு
"தி.மு.கவும் அ.தி.மு.கவும், இப்படி எல்லாம் சிரித்து பேசிக்குவாங்களா" என்று ஒரு இளம் செய்தியாளர், தனது வியப்பை வெளிபடுத்தினார்.
வழக்கம் போல், நச்சுன்னு, நாலு கோரிக்கையை (மட்டும்) வைத்துவிட்டு வெளியேறினர் கம்யூனிஸ்ட்கள்.
தேர்தல் ஆணையத்தின் மீதான தி.மு.கவின் கோபம்????, பொன்முடியின் நக்கலில் வெளிப்பட்டது.
ஆணையத்தின் மீதான அ.தி.மு.கவின் நன்றியுணர்வு????, பன்னீர்செல்வத்தின் பம்மலில் வெளிப்பட்டது.
கோபத்திற்க்கும், நன்றியுணர்வுக்குமான இடைவெளி நூலிழைதான் என்பதை மக்கள் புரிந்து கொள்ள வேண்டும்.
நன்றி
அசீப்
0 comments:
Post a Comment