அனைவருக்கும் ஒரு வேண்டுகோள். உங்கள் படைப்புக்களை ஏற்றம் செய்யும்போது உங்கள் பெயரையும் தெரியப்படுத்தும் மாறு தாழ்மையுடன் கேட்டுக்கொள்கிறேன். நன்றி
இப்படிக்கு
ஆனந்த் குமார்
இந்த வாரத்திற்கான சந்திப்பு
இந்த வாரத்திற்கான சந்திப்பு வழக்கம் போல வங்கக் கரையோரம் (8-5-11) ஞாயிற்று கிழமை மாலை 6 மணிக்கு தொடங்கும்.
நேர் - எதிர்
ராசா, தலித் சமூகத்தை சேர்ந்தவர் என்பதால், திட்டமிட்டு பழிவாங்க படுகிறார் என்று கூறிவந்த தி.மு.க. கனிமொழியை காப்பாற்ற. இன்று சி.பி.ஐ நீதிமன்றத்தில். கலைஞர் டி.வி சரத்குமார் மற்றும் முன்னால் அமைச்சர் ராசா-வை எக்கச்சக்கமாக போட்டுகொடுத்துள்ளது.
பெண்ணியம் பேசும் கனிமொழி, தன் ஜாமீன் மீதான வாதத்தின் போது, வழக்கறிஞர் ராம்ஜெத்மலானி, கனிமொழி, பெண் என்பதையும், நீதிமன்றம் கருத்தில் கொள்ளவேண்டும் என கூறியதற்கு எந்த ஆட்சேபனையும் தெரிவிக்கவில்லை.....
குடும்பம் என்றுவந்தால், கட்சியாவது! கொள்கையாவது!!
இன்று கார்ல்மார்க்ஸ்-ன் பிறந்தநாள்...
உழைக்கும் வர்க்கத்தின் ஒப்பற்ற தலைவனின் பிறந்த தினமான இன்று, சுரண்டல் அற்ற சமூகத்தை படைக்கும் மக்கள் பணியில், பாடுபட்டுக்கொண்டிருக்கும் அனைவருக்கும் தோள்கொடுப்போம் என்று சபதம் ஏற்ப்போம்.... உலக ஒடுக்கப்பட்ட மக்களே! ஒன்று கூடுங்கள்!
மாற்றத்திற்கான செய்தியாளர்கள் - ஓர் அறிமுகம்
அரசியல் தொடங்கி ஆன்மிகம் வரை உங்கள் கண்களில் தெரியாமல் போன உண்மைகளையும் , உங்களுக்கு தெரியகூடாதென, மறைக்கபட்டிருக்கின்ற உண்மைகளையும் , உங்களுக்காக உங்களிடம் உரக்க சொல்வதே எங்கள் நோக்கம்.ஏனெனில் உண்மை ஒருமுறை வெளிச்சத்திற்கு வந்தால், அது மாற்றத்திற்கான பாதையை நிச்சயம் உருவாக்கும் .
எப்போதும், வரலாறு என சொல்லப்படுவது தகுதி உடையவர்களாலும், உண்மை உடையவர்களாலும் தொகுக்கப்படுவதில்லை என்பதை உணர்த்தவே நாங்கள் முயற்சிக்கிறோம்.
நம்மைச்சுற்றி நடக்கும் அத்தனை நிகழ்வுகள், அதன் பின்னணியிலிருக்கும் அரசியல், அந்த நிகழ்வை நகர்த்தும் அடிப்படை, அதற்கான தேவை, என நாங்கள் புரிந்துகொண்டதை, நாங்களே பகிர்ந்து கொள்ளவும், நாங்கள் பகிர்ந்து கொண்டதை, உங்களோடு பகிர்ந்து கொள்ளவுமே இந்த தளம்.
இத்தளம் பெரும்பான்மையாக தொலைக்காட்சி, செய்தித்தாள், வலைத்தளம், வானொலி என ஊடகவியல் சார்ந்த இளைஞர்களாலும், சமூக மாற்றத்தில் ஆர்வம் கொண்ட பல்துறை இளைஞர்களாலும் இயங்கி வருகின்றது .
உங்களிடமும் இச்சமூகத்துக்கு உரைப்பதற்கு உண்மை இருக்குமானால், அவலங்களை எதிர்க்கும் தைரியம் இருக்குமானால், கைகோர்த்து போராட விருப்பம் என்றால், "செயல் ஒன்றே சிறந்த சொல்" என்ற கூற்றில் நம்பிக்கை இருந்தால், அதன்மூலம் மாற்றத்தை ஏற்படுத்த முடியும் என்ற நம்பிக்கை இருக்குமானால், எங்கள் குழுவில் உங்களுக்கும் இடமிருக்கிறது ...
அணுக : socialjournalists@gmail.com
