உலகம் எல்லோருக்குமானது!

Share

தனக்கென ஒரு வாழ்விடத்தை அமைத்துக்கொள்வது ஒவ்வொரு மனிதனின் பிறப்புரிமை. தனக்கென ஒரு வீடு வேண்டும் என்று ஆசைபடாத மனிதர்களே இல்லை. அதுவும் சென்னை யில் அதிகரித்துகொண்டே போகும் வானுயுர்ந்த கட்டிடங்கள், இதையே நமக்கு உணர்த்துகின்றன. ஆனால், அந்த கட்டிடங்களை எழுப்ப, அங்கே உள்ள குடிசை பகுதிகளில் வசிக்கும் குடும்பங்களுக்கு, எந்த ஒரு அறிவிப்பும், அவகாசமும் கொடுக்காமல், அவர்களின் வாழ்விடங்கள் அகற்றப்படுகின்றன. சட்டப்படி, குடிசைகளை அகற்றும் படி நேர்ந்தால், அதன் அருகாமையிலேயே அவர்களுக்கு வீடு ஒதுக்க வேண்டும். ஆனால் அப்படி நடப்பதில்லை. பணம் இல்லாதவர்கள் சொல் பார்லிமென்ட் ஏறாது என்பது பழமொழி, ஆனால் அது சட்டசபைக்குள்கூட நுழையாது என்பதே உண்மை. இவ்வாறு தங்கள் சொந்த இடத்திலிருந்து வெளியேற்றப்படும் குடிசைவாழ் மக்களுக்கு,  குடிசை மாற்று வாரியம், ஊருக்கு ஒதுக்குபுறத்தில் இடம் அளிக்கிறது. ஆண்டாண்டாக தாங்கள் வாழ்ந்த இடத்தை விட்டு, ஊருக்கு வெளியே துரத்தப்படும் மக்கள், அனுபவிக்கும் துன்பத்தை வார்த்தைகளால் வடிக்க முடியாது. அவர்களை பொறுத்தவரை, சென்னைக்குள் வீடு இல்லை, ஆனால் அவர்களின் வாழ்க்கையே சென்னைக்குள்தான் உள்ளது. இந்த அவலம் நீங்க, குடிசைபகுதிகளை விலைக்குவாங்கும் பில்டர்களே இதற்க்கு பொறுப்பேற்க வேண்டும். நம் மக்கள், வசிக்க மாளிகை கேட்கவில்லை, ஒண்டிக்கொள்ள ஒரு சிறு இடம்போதும் அவர்களுக்கு. பொதுவாக ஒரு இடத்தை வாங்கும் ரியல்-எஸ்டேட் அதிபர்கள், அந்த நிலத்தின் உரிமையாளர்களுக்கு ஒரு பங்கு கொடுப்பார்கள். அதன் படி பார்த்தால் பில்டர்கள், நம் குடிசைவாழ்மக்களின் மறுவாழ்வுக்கு பொறுப்பேற்க வேண்டும். இதை வீட்டு வசதி வாரியமும், குடிசை மாற்று வாரியமும், பில்டர்களிடம் வலியுறுத்த வேண்டும். 30 மாடி கட்டிடங்களை, ஒரே வரிசையில் வானுயர கட்டும்போது, இவர்களுக்கு தேவையான வற்றை, பில்டர்களால் கண்டிப்பாக செய்யமுடியும். பொதுவாக, கருப்பு பணமே கட்டிடங்களாக உயரும் போது, அதை உண்மையாக அனுபவிக்க வேண்டியவர்கள், இருப்பதும் பிடுங்கப்பட்டு விரட்டி அடிக்கபடுவது எந்தவகையில் நியாயம்? 

உலகம் சிலருக்கானது மட்டும் அல்ல! எல்லோருக்குமானது!

- சந்துரு 

உள்ளாட்சித் தேர்தல், தயாராகும் கட்சிகள்!

Share

உள்ளாட்சித் தேர்தல், தயாராகும் கட்சிகள்!

தமிழகத்திலுள்ள பத்து மாநகராட்சி கவுன்சிலர்களுக்கும், மீதமுள்ள கிராம பஞ்சாயத்து தலைவர்களுக்கும் வர்ற அக்டோபர் மாசத்தோட பதவிக்காலம் முடியிது. திட்டமிட்டபடியே அக்டோபர் மாசம் உள்ளாட்சித் தேர்தல் நடக்கும்னு முதல்வர் ஜெயலலிதாவும் சட்டமன்றத்துலேயே அறிவிச்சிட்டாங்க. அதுக்கான வேலைகள் தொடங்கிருச்சுனு நெனைக்கிறேன். டாஸ்மாக் அய்யர் என கூறப்படும் தமிழக தேர்தல் ஆணையர் சோ.அய்யர் அதுக்கான வேலைகள தொடங்கிட்டாரு!

கடந்த 2006 ஆம் ஆண்டுல நடந்த உள்ளாட்சித் தேர்தல்ல அப்ப ஆளுங்கட்சியாக இருந்த தி.மு.க. பல திருட்டு வேலைகள செஞ்சாங்க. கள்ளவோட்டு போடுரபோது வின் டிவி கேமராமன் (நா வேலைபாக்குற டிவி) விஷுவல் எடுத்தாரு, அந்த விஷுவல வச்சுத்தான் ஜெயலலிதாவே கேஸ் போட்டு 99 எடத்துக்கு மீண்டும் தேர்தல் நடந்துச்சு. அதேமாரி இப்ப ஆளுங்கட்சியா இருக்குற அ.தி.மு.க.வும் தகிடுதத்தம் செய்ய ரெடியா இருக்கு (ஆனா இப்ப அ.தி.மு.க. எவ்ளோ கள்ளவோட்டுப் போட்டாலும் வின் டிவில எடுக்கவும் மாட்டோம், நியூஸ் போடவும் மாட்டோம், ஏன்னா எங்க டிவி எப்பவும் அ.தி.மு.க. சப்போர்ட்).

சட்டமன்ற பொதுத் தேர்தல்ல விட்டடத உள்ளாட்சித் தேர்தல்ல பிடிச்சிரனும்னு தி.மு.க.வும் தயாராயிட்டிருக்கு (இருக்குற குடும்பச் சண்டைல எங்க தயாராகுறது?).

பா.ம.க., தி.மு.க. கூட்டனிய விட்டு ஓடிருச்சு. விடுதலைச் சிறுத்தைகளும் பா.ம.க.கூட சேந்துருச்சு, (தி.மு.க.வ விட்டு விரைவில் இதுவும் ஓடப்போகுது).

இரண்டு பேரும் சேந்து உள்ளாட்சித் தேர்தல சந்திக்கப் போறாங்களாம்!

காங்கிரஸ்ல கோஷ்டி மோதல மொதல்ல முடிச்சிகிட்டு அப்பறம்தான் உள்ளாட்சித் தேர்தலுக்குத் தயாராகுவாங்க! அவங்களும் அநேகமா தி.மு.க.வ விட்டுப் போயிருவாங்கனு (எனக்கு)த் தோணுது! கடைசில தனிக்காட்டு ராஜாமாரி தி.மு.க. மட்டும்தான் போட்டியிடும்போலருக்கு!

அ.தி.மு.க.வுக்கு, 75 சதவீதம் வெற்றினு தனியார் சர்வே நிறுவனமும்,

80 சதவீத வெற்றினு தமிழக உளவுத்துறையும் (சமச்சீர் கல்வி விவகாரத்துக்கு முன்னால) அரசுட்ட ரிப்போர்ட் கொடுத்துருக்காம். அந்த தைரியத்துல அ.தி.மு.க.வும் ரெடி ஆயிருச்சு. 

அ.தி.மு.க. கூட்டணியில சி.பி.ஐ., சி.பி.எம்., ச.ம.க., ம.ம.க., புதிய தமிழகம், மூவேந்தர் முன்னணிக் கழகம், கொங்கு இளைஞர் பேரவை இப்டி எல்லாமே கூட்டணியில்தான் இருக்கு. 

தே.மு.தி.க. பொருத்தவர விஜயகாந்த் அநியாயத்துக்கு பொறுமையா இருக்குறத பாத்தா அ.தி.மு.க. கூட்டணியில நீடிப்பாருனுதான் தோணுது!

இதுக்கு இடையில காமெடி பீஸ் மாரி விஜயோட மக்கள் இயக்கம் வேற போட்டியிடப் போகுதாம்!?

எப்டியோ பொதுத் தேர்தல் மாதிரி உள்ளாட்சித் தேர்தலும் ரொம்ப இண்டரெஸ்ட்டிங்கா இருக்க போகுது! 

- உமர் முக்தார்