பாதியில் வெளியேறிய அழகிரி! விஸ்வரூபம் எடுத்த குடும்பச்சண்டை!

Share

பாதியில் வெளியேறிய அழகிரி! விஸ்வரூபம் எடுத்த குடும்பச்சண்டை!

தமிழக சட்டசபைத் தேர்தலில் தோற்று, எதிர்க்கட்சி அந்தஸ்துக்கூட இல்லாத நிலையில் தி.மு.க.வின் செயற்குழு மற்றும் பொதுக்குழு சனி மற்று ஞாயிறு ஆகிய இரு நாட்கள் கோவையில் நடைபெற்றது. தி.மு.க. தோற்கக் காரணமாக இருந்த 'குறுநில மன்னர்களாக' செயல்பட்ட மாவட்டச் செயலாளர்கள் பதவியைத் தூக்கிவிட்டு, நாடாளுமன்ற தொகுதி செயலாளர்கள் என்ற புதிய பதவியை உருவாக்கலாமென ஸ்டாலினும், கலைஞரும் எண்ணி அது பற்றி கருத்தும் கேட்டிருந்தார்கள். ஆனால் இதற்கு மா. செ. க்கள் மத்தியில் கடும் எதிர்ப்புக் கிளம்பியது, வீரபாண்டியார் நேரிலேயே கலைஞரை மிரட்டிவிட்டு வந்தார். ஸ்டாலினின் இச்செயல் அழகிரிக்கும் பிடிக்கவில்லை. மேலும் ஸ்டாலின்தான் அடுத்தத் தலைவர் என்ற பேச்சும் கிளம்பியதால், இருவருக்கும் குடும்பச் சண்டை முற்றியது!

இந்நிலையில் சனிக்கிழமை செயற்குழுவும், ஞாயிற்றுக்கிழமை பொதுக்குழுவும் கூடியது. செயற்குழுவில் ஒருவர் 'ஸ்டாலினை செயல் தலைவராக்க வேண்டும்' என கூறியபோது, 'நான் பதவி விலக வேண்டுமென அந்தத் தொண்டர் விரும்புகிறாரா?' என காட்டமாக கேள்வி எழுப்பினார் கலைஞர். 

பிறகு செயற்குழுவின் முடிவில், 'சட்டப்பேரவையில் ஏற்பட்டத் தோல்வி நமக்கு நாமே ஏற்படுத்திக்கொண்ட முடிவு என்றும், தி.மு.க. ஒரு எக்குக் கோட்டை, யாராலும் அழிக்க முடியாது' என்றும் வீரவசனம் பேசினார் கலைஞர்.

இதைத் தொடர்ந்து ஞாயிற்றுக்கிழமை நடைபெற்ற பொதுக்குழுவில் ஸ்டாலின் ஆதரவாளர்களுக்கும், அழகிரி ஆதரவாளர்களுக்கும் பிரச்சனை ஏற்பட்டதாகத் தெரிகிறது. பொதுக்குழுவில் முன்னாள் எம்.பி. ஒருவர் 'கட்சியின் அடுத்தத் தலைவர் யார்' என கேள்வி கேட்டார். அதற்கு அங்குக் குழுமியிருந்தவர்கள், 'ஸ்டாலின்' 'ஸ்டாலின்' என கோரசாக கூறினார்கள். இதன் பிறகு மதிய உணவு இடைவேளை விடப்பட்டு, மீண்டும் கூடியபோது இரண்டாவது அமர்வில் அழகிரி வரவில்லை. இதனால் பொதுக்குழுவில் பரபரப்பு ஏற்பட்டது. ஸ்டாலினைத் தூக்கிவைத்துப்பேசியது அழகிரிக்குப்பிடிக்கவில்லை. ஒரு மாத காலமாக புலனாய்வுப் பத்திரிகைகள் கூறிவந்த குடும்பச் சண்டை உண்மை என்பதை நிரூபித்து விட்டார் அழகிரி. அதன் பிறகு மாலையில் 'தனக்கு கட்சியில் உயர் பதவி எதுவும் வேண்டாம்' என (பெருந்தன்மையோடு?!) மறுத்து விட்டார் ஸ்டாலின்!

எதை எதிர்பார்த்து தொண்டர்கள் வந்தார்களோ அது நடக்கவில்லை. தி.மு.க.வை வலுப்படுத்த அமைப்புச்செயலாளர் டி.கே.எஸ்.இளங்கோவன் தலைமையில் குழு ஒன்று அமைத்தும், 'கனிமொழிக்கு ஜாமீன் கிடைக்கவிடாமல் சி.பி.ஐ. உள்நோக்கத்தோடு தடுக்கிறது, ஓட்டுப்பதிவு நடத்தி தனி ஈழம் பெற்றுத்தரவேண்டும், நில மோசடி புகார்கள் மீதான தமிழக அரசின் செயல்களை கண்டிப்பது' என்பன உள்ளிட்ட இருபத்தி ஐந்து தீர்மானங்களை ஒப்புக்காக நிறைவேற்றிவிட்டு கலைந்தது பொதுக்குழு!

முடிவில் செய்தியாளர்களுக்கு பேட்டியளித்த கலைஞர், 'தி.மு.க.-காங்கிரஸ் கூட்டணி தொடர்கிறது என்றும், ராசா, மாறன் ஆகியோருக்கு மாற்றாக வேறு அமைச்சர்களை தாங்கள் கேட்கப்போவதில்லை என்றும், காங்கிரஸ் தலைவர்கள் தி.மு.க.வை விமர்சித்துப் பேசுவது கண்டிக்கத் தக்கது என்றும், ஊடகங்களுக்கு தலைப்புச்செய்தியாக வேண்டும் என்பதற்காக கட்சித் தலைமையை மாற்ற மாட்டோம் என்றும், தி.மு.க. ஒரு ஜனநாயாக கட்சி என்றும், உட்கட்சித் தேர்தல் நடத்தி தலைவரைத் தேர்ந்தெடுக்கலாம்' என்றும் தெரிவித்துவிட்டுச் சென்றார்.

எது எப்படியோ, தீர்க்கலாமென நினைத்திருந்த குடும்பச்சண்டை மேலும் பெரிதானதுதான் மிச்சம்!

- உமர் முக்தார்.

சமச்சீர் கல்விக்கு மறைமுக தடை!

Share

சமச்சீர் கல்வியை இந்த ஆண்டே நடைமுறை படுத்தவேண்டும் என்று சென்னை உயர்நீதி மன்றம் வழங்கிய தீர்ப்பை அமுல் படுத்தாமல், மக்களின் கடும் எதிர்ப்பையும் மீறி, உச்சநீதி மன்றத்தில் மேல் முறையீடு செய்த ஜெயலிதா அரசுக்கு, உச்சநீதி மன்றம் சரியான சவுக்கடி கொடுக்கும் என்று அனைவரும் எதிர் பார்த்தனர். ஆனால் நடந்ததோ வேறு. வழக்கை விசாரணைக்கு ஏற்றுகொண்ட உச்ச நீதிமன்றம், வரும் 22 ஆம் தேதிக்குள் சமச்சீர் புத்தகங்களை அனைத்து பள்ளிகளுக்கும் விநியோகம் செய்யவேண்டும் என்று சென்னை உயர்நீதி மன்றம் வழங்கிய கால கெடுவை, ஆகஸ்ட் 2 ஆம் தேதி வரை நீட்டிப்பு செய்துள்ளது. மேலும், இறுதி விசாரணை வரும் 26 ஆம் தேதி நடைபெறும் என்று உத்தரவிட்டுள்ளது. உண்மையில், உயர்நீதி மன்றத்தின் உத்தரவுக்கு, உச்சநீதி மன்றம் மறைமுகமாக இடைக்கால தடை வழங்கி உள்ளதாகவே இதை கருத முடியும். இதை புரிந்து கொள்ளாமல், நம் ஊடகங்கள், சென்னை உயர்நீதி மன்றத்தின் உத்தரவுக்கு தடைவிதிக்க, உச்சநீதி மன்றம் மறுப்பு தெரிவித்ததாக, செய்திவெளியிட்டு வருகின்றனர். 

எது எப்படியோ, மாணவர்கள் தாங்கள் எந்த பாடத்திட்டத்தின் கீழ் படிக்கபோகிறோம் என்பதை தெரிந்து கொள்ள, இன்னும் இரண்டுவாரமாவது காத்திருக்க வேண்டும். பள்ளி திறந்து நாற்பது நாட்களுக்கு மேல் ஆன நிலையில், படிப்பதற்கு எந்த புத்தகமும் இல்லாமல் மாணவர்கள் பள்ளி சென்று வரும் அவலத்தை என்னவென்று சொல்வது? ஆட்சியாளர்களின் அகங்காரத்தால், மாணவர் சமுதாயம் பாதிக்கபடுகிறது என்று, ஒருவர் தெருவோர மேடையில் முழங்கிக்கொண்டிருக்கையில், "பசங்க இப்பதான் ஸ்கூலுக்கு ஜாலியா போறாங்க" என்று சிரித்தபடி கூறிச்சென்ற அந்த பாமரனை போல் நாமும் இருக்க போகிறோமா?

Share

                                                                     

                                                    "நாடகமே சிறந்த ஊடகம் "

                                                                                                   

                                                     நாடகம் என்றால் மேற்கத்திய நாடுகளை நினைத்துகொண்டு மிரள வேண்டாம். நமது மரபில் எவ்வளவோ நாடகத்தன்மை கொண்ட,நமது அடையாளங்களுடன் கூடிய அம்சங்களை கொண்ட கலைகள் உள்ளன. அவற்றை கண்டெடுத்து சரியாக நாடகத்தில் புகுத்தினாலே நாடகம் பெரும் சக்தியாக உருவாக முடியும்.

                                                   சமுதாயத்தில் இருக்கின்ற ,வரபோகின்ற எண்ணற்ற அவலங்களை நன்றாக காட்சிபடுத்தினால் நிறைய நாடகங்கள் உருவாகும். அது மட்டுமல்லாமல் பிரச்சனைகள் குறித்து, மக்களிடம் எளிதில் விழிப்புணர்வு ஏற்படுத்த முடியும்.

                                                 மக்களுக்கு பணி செய்வதாக கூறி ஒரு சில அல்ல, ஒட்டுமொத்த ஊடகங்களும் தனது முதலாளிகளின் சொந்த லாப நஷ்டத்துக்காக மட்டும் தான் இயங்கிகொண்டும் ,இயக்கபட்டும் வருகின்றன. 

                                                நாடகத்தால் பல்வேறு மாற்றங்கள் நம்நாட்டில் நிகழ்த்தப்பட்டு உள்ளன. குறிப்பாக சுதந்திர போராட்டத்தில் நாடகம் பெரும் பங்கை வகித்தது. ஆனால் "சுதந்திரமே" நாடகம் என்பதை உணர்த்துவதற்கு இன்று கட்டாயம் நாடகங்கள் தேவைபடுகின்றன.

                                             "ஊடகத்தால் உணர்த்துவதை விட நாடகத்தால் நிச்சயம் நடத்தி காட்ட முடியும்"

                                            நாம் சினிமாவில் ஆழமாய் ஊரிவிட்டதால், நாடகத்திலும் அதன் தன்மையை எதிர்பார்க்கிறோம். நாடகத்தின் தனித்தன்மை வேறு ,சினிமாவின் தன்மை வேறு. ஆனால் நாடகத்தினால் ஏற்படும் அனுபவம் அளப்பரியது.

                                           நாடகம் ஒரு கட்டுபாடற்ற கலை. எந்த கலையை விடவும் கூடுதல் பாதிப்பை நாடகம் மூலம் ஏற்படுத்த முடியும். சொல்லவரும் கருதிட்கேட்ப, பிரட்சனைகளுக்கேட்ப, சூழலை ஏற்படுத்தி நடித்தால், நிச்சியம் மக்களுக்கு கருத்தை எளிதில் விளங்க வைக்க முடியும்.

                                          ஊடகத்தின் வாயிலாக உண்மைகளை மறைத்தும் உண்மைக்கு புறம்பாக செய்திகளை வெளியிட்டு வரும் இந்த காலத்தில், நல்ல கருத்துடைய நாடகங்களை கலைஞ்ர்கள் இயக்க முன் வரவேண்டும்.

                      "மக்களுக்கான கலைஞ்னே!   உண்மையான கலைஞன்!!"

                                    நல்ல கருத்துகளை நாடகங்களின் வாயிலாக அறிகின்ற போதுதான், போலிகளை மக்கள் அடையாளம் காணமுடியும். நல்ல நாடகங்களின் வழியாக சமூகத்தில் இல்லாமல் போன ஜனநாயகத்தை எளிதில் புரிந்து மற்றும் புரியவைக்க முடியும்.

                               எல்லையற்று, கட்டுபாடற்று விரிந்து கொண்டிருக்கும் ஊடகங்களின் பொய் பிரச்சாரங்களை, நாடகத்தின் மூலம் கட்டாயம் கட்டுபடுத்த வேண்டும்...    

-தமிழரசன்

ஹிலாரியுடன் ஒரு நாள்

Share

 ஹிலாரியுடன் ஒரு நாள் 

இந்தியாவில் சுற்றுப்பயணம் மேற்கொண்டுள்ள ஹிலாரி, சென்னை அண்ணா நூற்றாண்டு நூலக அரங்கில் நடைபெற்ற நிகழ்ச்சியில் கலந்துகொண்டார். அப்போது பேசிய அவர்,  ஐ.நா. பாதுகாப்பு அவையில் இந்தியா நிரந்தர உறுப்பினர் ஆவதற்கு அமெரிக்கா உதவி செய்யும்¢ என்றார். இலங்கையில் அதிக அளவில் மனித உரிமை மீறல்கள் நடைபெறுவதாக குற்றம்சாட்டிய ஹிலாரி, அங்கு தமிழர்கள் சம உரிமையுடன் வாழ நடவடிக்கை எடுக்கப்படும் என்றும் தெரிவித்தார்.

இதையடுத்து தலைமைச் செயலகத்தில் முதலமைச்சர் ஜெயலலிதாவை, அவர் 45 நிமிடங்கள் சந்தித்துப் பேசினார். அப்போது இலங்கைத் தமிழர் பிரச்சனை குறித்தும் விவாதிக்கப்பட்டது. இலங்கையில் போர் முடிவுக்கு வந்து 2 ஆண்டுகள் கடந்த பிறகும் முகாம்களில் அடைக்கப்பட்டுள்ள தமிழர்களை சொந்தஇடங்களில் குடியேற்ற நடவடிக்கை எடுக்கப்படும் என ஹிலாரி உறுதியளித்தார். 

தமிழத்தில் முதல¦டு செய்ய அமெரிக்கா முன்வர வேண்டும் என ஹிலாரி கிளின்டனிடம் முதலமைச்சர் ஜெயலலிதா வலியுறுத்தியுள்ளார். 

இதைத்தொடர்ந்து கலாஷேத்ராவில் நடைபெற்ற நிகழ்ச்சியில் ஹிலாரி கிளின்டன் பங்கேற்றார். தமிழக கலை, கலாச்சாரம் தம்மை வெகுவாக கவர்ந்ததாகவும் ஹிலாரி மகிழ்ச்சி தெரிவித்தார்.   

                                                                                                   Ýùï¢î¢°ñ£ó¢

மாற்று கை பொருத்து அறுவை சிகிச்சை

Share

மாற்று கை பொருத்து அறுவை சிகிச்சை

வளர்ந்து கொண்டே இருக்கும் சிகிச்சை முறை வந்து கொண்டே இருக்கும் புதிய கண்டுபிடிப்புகள் என தினம் தினம் முன்னேரிக்கொண்டுள்ளது இன்றைய மருத்துவத்துறை. பிறவியிலோ, விபத்துகளிலோ அல்லது யுத்தங்களிலோ கை கால் போன்ற அவயங்களை இழந்த மக்கள் உலகம் முழுவதும் ஊனமுற்றவர்கள் என்ற பேரில் வாழ்ந்து வருகிறார்கள். இவர்களுக்கெல்லாம் நம்பிக்கையூட்டும் வகையில் தற்ப்போது மாற்று கை பொருத்து அறுவைசிகிச்சை கண்டுபிடிக்கப்பட்டுள்ளது என்கின்றனர் மருத்துவர்கள்.

இதுநாள் வரை மூளைச் சாவடைந்தவர்களின் உடலிலிருந்து உள்ளுருப்புகள் மட்டமே தானமாகப் பெறப்பட்டு மற்றவகளுக்கு பொருத்தப்பட்டு வந்தது எனவும் இக்கண்டுபிடிப்பின் மூலம் மூளைச் சாவடைந்தவர்களின் கைகளையும் தானமாகப்பெற்று கை இல்லாதவர்களுக்கு பொருத்த முடியும் எனவும், தமிழகத்தில் இந்த அறுவைசிகிச்சைக்கான அனுமதியை சென்னை ஸ்டான்லி மருத்துவமனை பெற்றிருப்பதாகவும் கூறுகின்றனர் மருத்துவர்கள்.

மூளைச் சாவடைந்தவர்களின் உடலிலிருந்து உள்ளுருப்புகள் தானம் கொடுப்பது போலவே கைகளையும் தானம் செய்ய அவர்களின் குடும்பத்தினர் முன்வரவேண்டும். அதனால் பலரின் வாழ்வு பிரகாசிக்கும் எகின்றனர் மருத்தவர்கள்.

                                                                                                                               ஆனந்த்குமார் .

நக்கீரன்: காமெடி டைம்

Share

கடந்த 13 ஆம் தேதி நித்யானந்தா பத்திரிக்கையாளர்கள் சந்திப்பு நடைபெற்றது. அதைபற்றிய செய்திகள் தொடர்ந்து பல்வேறு ஊடகங்களில் வந்தவண்ணம் உள்ளன. இந்தவார நக்கீரனிலும் "காமெடி டைம்" என்ற தலைப்பில் அதைப்பற்றி செய்தி வந்துள்ளது. உண்மையை சொல்லவேண்டும் என்றால், நக்கீரன் பத்திரிக்கையைதான் காமெடி டைம் என்று சொல்லவேண்டும். அந்த பத்திரிக்கையாளர் சந்திப்புக்கு நானும் சென்றிருந்தேன். உண்மைக்கு புறம்பான செய்தியை வெளி இடுவது, நித்யானந்தா போன்ற கபட ஆசாமிகளுக்கு சாதகமாக முடிந்துவிடும் என்பது நக்கீரனுக்கு ஏன் புரியவில்லை என்பது என்னுடைய வியப்பு!

சரி அப்படி என்னதான் நக்கீரன் எழுதி விட்டது என்கிறீர்களா?

எழுதியது: 

மேடைக்குவந்த நித்யானந்தா, ரஞ்சிதாவை பார்த்து வணங்கிவிட்டு பத்திரிக்கையாளர் சந்திப்பை துவக்கினார்.

நடந்தது:

நித்யானந்தா மேடைக்குவந்தவுடன், முதலில் செய்தியாளர்களுக்கு வணக்கம் செய்துவிட்டு பின்னர் மேடையின் வலப்புறம் மற்றும் இடப்புறம் உள்ளவர்களை வணங்கினார்(அங்குதான் ரஞ்சிதா உட்கார்ந்திருந்தார்).

கேள்வி:

நித்யானந்தா, ரஞ்சிதாவை வணங்கியது போல் எழுதியது, கிளுகிளுப்புக்காகவா?

எழுதியது:

முதல்வருக்கு வாழ்துசொல்லி வணங்கும்போது கரண்ட் கட் ஆகிவிட்டது! உடனே செய்தியாளர்கள் ஒரு மந்திரம் சொல்லுங்க சுவாமி கரண்ட் வந்துடும் என்று கிண்டல் அடித்தனர்.

நடந்தது:

கரண்ட் கட் ஆகா வில்லை. மைக் சரியாக வேலை செய்யவில்லை என்று ஒளிப்பதிவாளர்கள் சப்தம் எழுப்பினர்.

கேள்வி:

அ.தி.மு.க ஆட்சியில் மின்வெட்டு உள்ளது என்பதை தெரிவிக்கும் அரசியலா?

எழுதியது:

கரண்ட் வந்ததும், நித்யானந்தா பத்திரிக்கையாளர்களை திட்டினார். அனைவரும் சிவனின் சாபத்திற்கு ஆளாவிர்கள் என்று சபித்தார்.

நடந்தது:

அவர் அனைத்து செய்தியாளர்களையும் திட்டவில்லை. நக்கீரன் மற்றும் சன் டிவி-யை மட்டுமே திட்டினார் (இருப்பினும் அவர்கள் வேறு நாம் வேறு அல்ல என்பதால் இதை எழுதி இருப்பார்கள் போல). அனைவரும் சிவனின் சாபத்திற்கு ஆளாவிர்கள் என்று கூறியது, சன் டிவி குடும்பத்தை பார்த்துதான். சன் டிவி குடும்பத்தை சேர்ந்த பெண்கள் தன் ஆசிரமத்திற்கு வருவார்கள் என்று கூறிய நித்யானந்தா, அவர்களுக்கு சிவனின் சாபம் என்றே கூறினார்.

கேள்வி:

எதை தைரியமாக எழுதினால், பகுத்தறிவு குடும்பத்தார் கோபம் கொள்வார்கள் என்ற பயமா?

எழுதியது:

உங்கள் பக்கம் நியாம் இருந்தால் ஏன் ஓடி ஒளிய வேண்டும் என்று கேட்டதற்கு, விதி துரத்தியதால் ஓடினேன் என்றார்.

நடந்தது:

ஏர்செல் சிவ்சங்கரனே இவர்களுக்கு பயந்து நாட்டை விட்டே ஓடினார் என்றால், நான் என்ன செய்ய முடியும் என்றார்.

கேள்வி:

இதை இப்படியே பிரசுரித்தால், உங்களுக்கும் சிவசங்கரனின் கதி ஏற்படுமோ என்ற பயமா?

எழுதியது:

உங்களை ஏன் பெண்கள் சிறையில் அடைத்தார்கள் என்று கேட்டதற்கு, நான் ஆண், பெண் என்கின்ற இரண்டு நிலையையும் கடந்தவன், எனக்கு கையும் வாயும் வேலை செய்தால் போதும் என்றார்.

நடந்தது:

இந்தகேள்விக்கு அவரளித்த பதில், அது முன்பு பெண்கள் சிறையாக இருந்தது, ஆகவே அதை பெண்கள் சிறை என்பார்கள், மற்றபடி அது பெண்களுக்கான சிறை மட்டும் அல்ல என கூறினார். இதை தொடர்ந்து ஒரு செய்தியாளர், நித்யானந்தாவை பார்த்து உங்களை பெண்தன்மை உள்ளவர் என்று கூறுகிறார்களே என்று கேள்வி எழுப்பினார். அதற்க்குள், நக்கீரன் செய்தியாளர் தன்னை பார்த்து 9 என்று கூறியதாக நித்தியானந்தா கூறவே, அங்கு ஏற்பட்ட குழப்பத்தில் அவர் வெளியேற்றபட்டார்.

கேள்வி:

இப்படி ஒரு சம்பவம் நடந்ததை ஏன் மறைக்கவேண்டும்? இதுதான் பத்திரிக்கை தர்மமா?

குறிப்பு:

நக்கீரன் அட்டைப்படத்தில் நித்யானந்தாவுக்கு ஒரு சவால் விடுத்துள்ளது. அதேபோல், செய்தியாளர் சந்திப்பின்போது, நித்யானந்தா சென்னையில் நிலம் ஒன்றை ஆக்கிரமிப்பு செய்ததாக நக்கீரன் செய்தியாளர் கேட்ட கேள்விக்கு, அதை நிரூபிக்க தயாரா என்று அவர் பகிரங்கமாக சவால் விட்டதை ஏன் மறைத்தார்கள் என்பது அவர்களுக்கே வெளிச்சம். இத்தனைக்கும் பிறகு நித்யானந்தா ஏற்பாடு செய்திருந்த மதிய உணவில் சில பத்திரிக்கையாளர்கள் கலந்து கொண்டனர். அவரால் மிகவும் விமர்சிக்கப்பட்ட ஒரு தொலைக்காட்சியின் செய்தியாளரும் அதில் அடங்குவார் என சிலர் என்னிடம் சொன்னார்கள். அது பொய்யாக இருக்கவேண்டும் என ஆசைபடுகிறேன், ஒரு செய்தியாளனாக!

-செந்தில்

28 ஆம் தேதி புது டெல்லியில் உண்ணாவிரதம்!

Share

28 ஆம் தேதி புது டெல்லியில் உண்ணாவிரதம்!

பல்லாயிரக்கணக்கான தமிழர்களை கொன்று குவித்த இலங்கை அதிபர் ராஜபக்சேவை போர்க்குற்றவாளியாக ஐக்கிய நாடுகள் சபை அறிவித்துள்ளது. எனவே இலங்கையை சர்வதேச நீதிமன்றத்தில் நிறுத்தி தண்டனைப் பெற்றுத் தர வலியுறுத்தியும், அதற்கு இந்திய அரசு துணை நிற்க வேண்டுமென்று வலியுறுத்தியும், வரும் 28 ஆம் தேதி புது டெல்லியில் நாடாளுமன்றம் முன்பாக ஒரு நாள் உண்ணாவிரதம் நடைபெற உள்ளது. உலகத் தமிழ் இயக்கங்களின் கூட்டமைப்பு சார்பில் நடைபெறவுள்ள இந்த உண்ணாவிரதத்தில் அறிஞர்கள், கவிஞர்கள், எழுத்தாளர்கள், சான்றோகள், பத்திரிகையாளர்கள், அரசியல் கட்சித் தலைவர்கள் என பெருந்திரளானவர்கள் பங்கேற்க உள்ளனர். 

குறிப்பு: இந்த கட்டுரையைப் படிப்பவர்கள் எவரேனும் புது டெல்லியில் இருந்தால், இருக்க நேர்ந்தால், முக்கியமாக இலங்கைத் தமிழர்கள் மீது பற்று இருந்தால் தயவு செய்து கலந்து கொள்ளவும்.

- உமர் முக்தார்