ஹிலாரியுடன் ஒரு நாள்

Share

 ஹிலாரியுடன் ஒரு நாள் 

இந்தியாவில் சுற்றுப்பயணம் மேற்கொண்டுள்ள ஹிலாரி, சென்னை அண்ணா நூற்றாண்டு நூலக அரங்கில் நடைபெற்ற நிகழ்ச்சியில் கலந்துகொண்டார். அப்போது பேசிய அவர்,  ஐ.நா. பாதுகாப்பு அவையில் இந்தியா நிரந்தர உறுப்பினர் ஆவதற்கு அமெரிக்கா உதவி செய்யும்¢ என்றார். இலங்கையில் அதிக அளவில் மனித உரிமை மீறல்கள் நடைபெறுவதாக குற்றம்சாட்டிய ஹிலாரி, அங்கு தமிழர்கள் சம உரிமையுடன் வாழ நடவடிக்கை எடுக்கப்படும் என்றும் தெரிவித்தார்.

இதையடுத்து தலைமைச் செயலகத்தில் முதலமைச்சர் ஜெயலலிதாவை, அவர் 45 நிமிடங்கள் சந்தித்துப் பேசினார். அப்போது இலங்கைத் தமிழர் பிரச்சனை குறித்தும் விவாதிக்கப்பட்டது. இலங்கையில் போர் முடிவுக்கு வந்து 2 ஆண்டுகள் கடந்த பிறகும் முகாம்களில் அடைக்கப்பட்டுள்ள தமிழர்களை சொந்தஇடங்களில் குடியேற்ற நடவடிக்கை எடுக்கப்படும் என ஹிலாரி உறுதியளித்தார். 

தமிழத்தில் முதல¦டு செய்ய அமெரிக்கா முன்வர வேண்டும் என ஹிலாரி கிளின்டனிடம் முதலமைச்சர் ஜெயலலிதா வலியுறுத்தியுள்ளார். 

இதைத்தொடர்ந்து கலாஷேத்ராவில் நடைபெற்ற நிகழ்ச்சியில் ஹிலாரி கிளின்டன் பங்கேற்றார். தமிழக கலை, கலாச்சாரம் தம்மை வெகுவாக கவர்ந்ததாகவும் ஹிலாரி மகிழ்ச்சி தெரிவித்தார்.   

                                                                                                   Ýùï¢î¢°ñ£ó¢

மாற்று கை பொருத்து அறுவை சிகிச்சை

Share

மாற்று கை பொருத்து அறுவை சிகிச்சை

வளர்ந்து கொண்டே இருக்கும் சிகிச்சை முறை வந்து கொண்டே இருக்கும் புதிய கண்டுபிடிப்புகள் என தினம் தினம் முன்னேரிக்கொண்டுள்ளது இன்றைய மருத்துவத்துறை. பிறவியிலோ, விபத்துகளிலோ அல்லது யுத்தங்களிலோ கை கால் போன்ற அவயங்களை இழந்த மக்கள் உலகம் முழுவதும் ஊனமுற்றவர்கள் என்ற பேரில் வாழ்ந்து வருகிறார்கள். இவர்களுக்கெல்லாம் நம்பிக்கையூட்டும் வகையில் தற்ப்போது மாற்று கை பொருத்து அறுவைசிகிச்சை கண்டுபிடிக்கப்பட்டுள்ளது என்கின்றனர் மருத்துவர்கள்.

இதுநாள் வரை மூளைச் சாவடைந்தவர்களின் உடலிலிருந்து உள்ளுருப்புகள் மட்டமே தானமாகப் பெறப்பட்டு மற்றவகளுக்கு பொருத்தப்பட்டு வந்தது எனவும் இக்கண்டுபிடிப்பின் மூலம் மூளைச் சாவடைந்தவர்களின் கைகளையும் தானமாகப்பெற்று கை இல்லாதவர்களுக்கு பொருத்த முடியும் எனவும், தமிழகத்தில் இந்த அறுவைசிகிச்சைக்கான அனுமதியை சென்னை ஸ்டான்லி மருத்துவமனை பெற்றிருப்பதாகவும் கூறுகின்றனர் மருத்துவர்கள்.

மூளைச் சாவடைந்தவர்களின் உடலிலிருந்து உள்ளுருப்புகள் தானம் கொடுப்பது போலவே கைகளையும் தானம் செய்ய அவர்களின் குடும்பத்தினர் முன்வரவேண்டும். அதனால் பலரின் வாழ்வு பிரகாசிக்கும் எகின்றனர் மருத்தவர்கள்.

                                                                                                                               ஆனந்த்குமார் .

நக்கீரன்: காமெடி டைம்

Share

கடந்த 13 ஆம் தேதி நித்யானந்தா பத்திரிக்கையாளர்கள் சந்திப்பு நடைபெற்றது. அதைபற்றிய செய்திகள் தொடர்ந்து பல்வேறு ஊடகங்களில் வந்தவண்ணம் உள்ளன. இந்தவார நக்கீரனிலும் "காமெடி டைம்" என்ற தலைப்பில் அதைப்பற்றி செய்தி வந்துள்ளது. உண்மையை சொல்லவேண்டும் என்றால், நக்கீரன் பத்திரிக்கையைதான் காமெடி டைம் என்று சொல்லவேண்டும். அந்த பத்திரிக்கையாளர் சந்திப்புக்கு நானும் சென்றிருந்தேன். உண்மைக்கு புறம்பான செய்தியை வெளி இடுவது, நித்யானந்தா போன்ற கபட ஆசாமிகளுக்கு சாதகமாக முடிந்துவிடும் என்பது நக்கீரனுக்கு ஏன் புரியவில்லை என்பது என்னுடைய வியப்பு!

சரி அப்படி என்னதான் நக்கீரன் எழுதி விட்டது என்கிறீர்களா?

எழுதியது: 

மேடைக்குவந்த நித்யானந்தா, ரஞ்சிதாவை பார்த்து வணங்கிவிட்டு பத்திரிக்கையாளர் சந்திப்பை துவக்கினார்.

நடந்தது:

நித்யானந்தா மேடைக்குவந்தவுடன், முதலில் செய்தியாளர்களுக்கு வணக்கம் செய்துவிட்டு பின்னர் மேடையின் வலப்புறம் மற்றும் இடப்புறம் உள்ளவர்களை வணங்கினார்(அங்குதான் ரஞ்சிதா உட்கார்ந்திருந்தார்).

கேள்வி:

நித்யானந்தா, ரஞ்சிதாவை வணங்கியது போல் எழுதியது, கிளுகிளுப்புக்காகவா?

எழுதியது:

முதல்வருக்கு வாழ்துசொல்லி வணங்கும்போது கரண்ட் கட் ஆகிவிட்டது! உடனே செய்தியாளர்கள் ஒரு மந்திரம் சொல்லுங்க சுவாமி கரண்ட் வந்துடும் என்று கிண்டல் அடித்தனர்.

நடந்தது:

கரண்ட் கட் ஆகா வில்லை. மைக் சரியாக வேலை செய்யவில்லை என்று ஒளிப்பதிவாளர்கள் சப்தம் எழுப்பினர்.

கேள்வி:

அ.தி.மு.க ஆட்சியில் மின்வெட்டு உள்ளது என்பதை தெரிவிக்கும் அரசியலா?

எழுதியது:

கரண்ட் வந்ததும், நித்யானந்தா பத்திரிக்கையாளர்களை திட்டினார். அனைவரும் சிவனின் சாபத்திற்கு ஆளாவிர்கள் என்று சபித்தார்.

நடந்தது:

அவர் அனைத்து செய்தியாளர்களையும் திட்டவில்லை. நக்கீரன் மற்றும் சன் டிவி-யை மட்டுமே திட்டினார் (இருப்பினும் அவர்கள் வேறு நாம் வேறு அல்ல என்பதால் இதை எழுதி இருப்பார்கள் போல). அனைவரும் சிவனின் சாபத்திற்கு ஆளாவிர்கள் என்று கூறியது, சன் டிவி குடும்பத்தை பார்த்துதான். சன் டிவி குடும்பத்தை சேர்ந்த பெண்கள் தன் ஆசிரமத்திற்கு வருவார்கள் என்று கூறிய நித்யானந்தா, அவர்களுக்கு சிவனின் சாபம் என்றே கூறினார்.

கேள்வி:

எதை தைரியமாக எழுதினால், பகுத்தறிவு குடும்பத்தார் கோபம் கொள்வார்கள் என்ற பயமா?

எழுதியது:

உங்கள் பக்கம் நியாம் இருந்தால் ஏன் ஓடி ஒளிய வேண்டும் என்று கேட்டதற்கு, விதி துரத்தியதால் ஓடினேன் என்றார்.

நடந்தது:

ஏர்செல் சிவ்சங்கரனே இவர்களுக்கு பயந்து நாட்டை விட்டே ஓடினார் என்றால், நான் என்ன செய்ய முடியும் என்றார்.

கேள்வி:

இதை இப்படியே பிரசுரித்தால், உங்களுக்கும் சிவசங்கரனின் கதி ஏற்படுமோ என்ற பயமா?

எழுதியது:

உங்களை ஏன் பெண்கள் சிறையில் அடைத்தார்கள் என்று கேட்டதற்கு, நான் ஆண், பெண் என்கின்ற இரண்டு நிலையையும் கடந்தவன், எனக்கு கையும் வாயும் வேலை செய்தால் போதும் என்றார்.

நடந்தது:

இந்தகேள்விக்கு அவரளித்த பதில், அது முன்பு பெண்கள் சிறையாக இருந்தது, ஆகவே அதை பெண்கள் சிறை என்பார்கள், மற்றபடி அது பெண்களுக்கான சிறை மட்டும் அல்ல என கூறினார். இதை தொடர்ந்து ஒரு செய்தியாளர், நித்யானந்தாவை பார்த்து உங்களை பெண்தன்மை உள்ளவர் என்று கூறுகிறார்களே என்று கேள்வி எழுப்பினார். அதற்க்குள், நக்கீரன் செய்தியாளர் தன்னை பார்த்து 9 என்று கூறியதாக நித்தியானந்தா கூறவே, அங்கு ஏற்பட்ட குழப்பத்தில் அவர் வெளியேற்றபட்டார்.

கேள்வி:

இப்படி ஒரு சம்பவம் நடந்ததை ஏன் மறைக்கவேண்டும்? இதுதான் பத்திரிக்கை தர்மமா?

குறிப்பு:

நக்கீரன் அட்டைப்படத்தில் நித்யானந்தாவுக்கு ஒரு சவால் விடுத்துள்ளது. அதேபோல், செய்தியாளர் சந்திப்பின்போது, நித்யானந்தா சென்னையில் நிலம் ஒன்றை ஆக்கிரமிப்பு செய்ததாக நக்கீரன் செய்தியாளர் கேட்ட கேள்விக்கு, அதை நிரூபிக்க தயாரா என்று அவர் பகிரங்கமாக சவால் விட்டதை ஏன் மறைத்தார்கள் என்பது அவர்களுக்கே வெளிச்சம். இத்தனைக்கும் பிறகு நித்யானந்தா ஏற்பாடு செய்திருந்த மதிய உணவில் சில பத்திரிக்கையாளர்கள் கலந்து கொண்டனர். அவரால் மிகவும் விமர்சிக்கப்பட்ட ஒரு தொலைக்காட்சியின் செய்தியாளரும் அதில் அடங்குவார் என சிலர் என்னிடம் சொன்னார்கள். அது பொய்யாக இருக்கவேண்டும் என ஆசைபடுகிறேன், ஒரு செய்தியாளனாக!

-செந்தில்

28 ஆம் தேதி புது டெல்லியில் உண்ணாவிரதம்!

Share

28 ஆம் தேதி புது டெல்லியில் உண்ணாவிரதம்!

பல்லாயிரக்கணக்கான தமிழர்களை கொன்று குவித்த இலங்கை அதிபர் ராஜபக்சேவை போர்க்குற்றவாளியாக ஐக்கிய நாடுகள் சபை அறிவித்துள்ளது. எனவே இலங்கையை சர்வதேச நீதிமன்றத்தில் நிறுத்தி தண்டனைப் பெற்றுத் தர வலியுறுத்தியும், அதற்கு இந்திய அரசு துணை நிற்க வேண்டுமென்று வலியுறுத்தியும், வரும் 28 ஆம் தேதி புது டெல்லியில் நாடாளுமன்றம் முன்பாக ஒரு நாள் உண்ணாவிரதம் நடைபெற உள்ளது. உலகத் தமிழ் இயக்கங்களின் கூட்டமைப்பு சார்பில் நடைபெறவுள்ள இந்த உண்ணாவிரதத்தில் அறிஞர்கள், கவிஞர்கள், எழுத்தாளர்கள், சான்றோகள், பத்திரிகையாளர்கள், அரசியல் கட்சித் தலைவர்கள் என பெருந்திரளானவர்கள் பங்கேற்க உள்ளனர். 

குறிப்பு: இந்த கட்டுரையைப் படிப்பவர்கள் எவரேனும் புது டெல்லியில் இருந்தால், இருக்க நேர்ந்தால், முக்கியமாக இலங்கைத் தமிழர்கள் மீது பற்று இருந்தால் தயவு செய்து கலந்து கொள்ளவும்.

- உமர் முக்தார் 

4 மாதம், 3 வாரம், 2 நாட்கள்

Share

ரொமானியா நாட்டை சேர்ந்த இப்படத்தை "கிறிஸ்டியன் முன்கயு" என்பவர் இயக்கியுள்ளார். சோவியத் யூனியன் உடையும் தருவாயில், அதாவது 1987 ஆம் ஆண்டு இக்கதை நடப்பதாக எடுக்கப்பட்டுள்ளது. சோவியத்தின் கலாச்சரம், ஏறக்குறைய முடிவுக்கு வந்த சூழ்நிலையில், முந்தைய சமூக ஒழுக்கங்களின் மிச்ச சொச்சமும், புதிய சமூக சூழலின் வருகைக்கான எத்தநிப்பும், மக்களின் வாழ்க்கை முறையில் ஏற்படுத்தி இருந்த தாக்கத்தின் ஊடாக கதை நகர்கின்றது. 

ஒடிலியா-வும், கபிடா-வும் பல்கலைக்கழகத்தில் பயிலும் மாணவிகள். இருவரும் ஒரே அறையில் தங்கி படித்துவருகின்றனர். கபிடா, எதிர்பாராத விதமாக கர்ப்பமடைய, தன் சிநேகிதியின் சிசுவை கலைப்பதற்கு ஒடிலியா எவ்வாறு உதவி செய்கிறாள் என்பதே கதை(ஒன்-லைன்). சோவியத் மக்களின் சமூக ஒழுக்கங்களில் ஒன்றான, கருகலைப்பு தடை சட்டம் அமுலில் இருந்த நாட்களில், பிடிபட்டால் கடும் தண்டனை கிடைக்கும் என்பதையும் தெரிந்துகொண்டு, ஓடிலியா , கபிடாவுக்கு உதவுகிறாள். 

கபிடாவும், ஒடிலியாவும் ஒரு ஹோட்டல் அறையை வாடகைக்கு எடுக்கின்றனர். கபிடாவை அதில் தங்கவைத்துவிட்டு கருகலைப்பவனை(சட்டவிரோதமாக), ஏற்க்கனவே தொலைபேசியில் பேசியபடி, குறிப்பிட்ட இடத்திற்க்கு சென்று அழைத்துவருகிறாள் ஒடிலியா. அவன் கபிடாவை சோதனை செய்துவிட்டு, தொலைபேசியில் கபிடா கூறியதைவிட அதிகநாட்கள் கரு வளர்ந்துவிட்டதாக கூறுகிறான். இச்சூழ்நிலையில் கருகலைப்பு செய்ய கூடுதல் பணம் வேண்டும் என்கிறான் அவன். கபிடா, ஒடிலியாவிடம் ஹோட்டலுக்கு கொடுத்தது போக அவனிடம் ஏற்க்கனவே பேசிய தொகையை தாண்டி வேறு பணம் இல்லை அவர்களிடம். இனியும் கருவை வளரவிட்டால் அதை எப்போதும் கலைக்க முடியாது என்கின்ற நிலையில் கபிடா. அவளின் நிலை கண்டு எப்படியும் உதவிசெய்ய வேண்டும் என்ற எண்ணத்தில் ஒடிலியா. இதைக்கண்டு கொண்ட அவன், கூடுதல் பணத்திற்க்கு பதிலாக ஒடிலியாவை தன்னுடன் பாலியல் உறவுக்கு அழைக்கிறான். வேறு வழி இன்றி அதற்க்கு சம்மதிக்கிறாள் ஒடிலியா.

அழிந்து வரும் சோவியத் சமூகத்தின் இறுதிகட்டத்தில் நிகழும் கலாசார மாற்றத்தால், ஒழுங்கிற்கும், ஒழுங்கின்மைக்கும் இடையில் நிகழும் போட்டியின் மத்தியில் மக்களின் வாழக்கைநிலையை கபிடா, ஒடிலியா வாழ்க்கையில் நிகழும் சில சம்பவங்களின் மூலம் அழகாக படம் பிடித்து காண்பித்துள்ளார் இயக்குனர். 

அசீப்

ஐயா, அம்மாவிடம் மாறி மாறி சிக்கித் தவிக்கும் தமிழகம்

Share

கருணாநிதி முதல்வர் பதவியை இழந்தும், ஜெயலலிதா முதல்வராக பதவியேற்றும் இரண்டு மாத காலமாகிவிட்டது. ஜெயலலிதாவின் அணுகுமுறையிலும், பணியாற்றும் விதத்திலும் ஓரளவு மாற்றம் இருந்தாலும், முந்தைய அரசின் மக்கள் நலத்திட்டங்களை ரத்து செய்வதிலும் அதிகாரிகளை இடமாற்றம் செய்வதிலும் அவரது வழக்கமான பாணி தொடர்கிறது.

முந்தைய திமுக அரசு செயல்படுத்திய இலவச அரிசி, கான்கிரீட் வீடு, காப்பீட்டு போன்ற திட்டங்களை பெயர் மாற்றி செயல்படுத்த முனைந்துள்ள போதிலும், தமிழகத்தின் நீண்டகால கனவுத் திட்டமான சமச்சீர் கல்விமுறையை நிறுத்தி வைத்ததன் அனைத்து தரப்பினரின் எதிர்ப்புகளையும் ஜெயலலிதா சம்பாதித்துள்ளார். இதனால் மாணவ, மாணவிகளும் பெற்றோரும் பாதிக்கப்பட்டு வருகின்றனர். அதேபோல் 600 கோடி ரூபாய்க்கும் மேலான மக்கள் வரிப்பணத்தில் கட்டப்பட்டுள்ள புதிய தலைமைச் செயலகத்தை பயன்படுத்தாமல் பூட்டிவைத்துள்ளதன் மூலம் ஜெயலலிதா இன்னும் மாறவில்லை எனத் தெரிகிறது. தலைமைச் செயலகத்தை பயன்படுத்தாமல் இருப்பதற்கு அதிமுகவின் கூட்டணிக் கட்சிக்குள்ளேயே எதிர்ப்பு கிளம்பியுள்ளது.

கூட்டணிக் கட்சிகளான கம்யூனிஸ்ட் மற்றும் தேமுதிக கட்சிகள் எவ்வளவோ கோரிக்கை விடுத்தும் சமச்சீர் கல்வியை அமல்படுத்தாமல் அதை நிறுத்தி வைக்க சட்டத்திருத்தம் கொண்டுவந்தார். தற்போது நீதிமன்ற உத்தரவால் சமச்சீர் கல்வியை அமல்படுத்தியே தீர வேண்டும் என்ற கட்டாயத்துக்கு அரசு தள்ளப்பட்டுள்ளது.

 திமுக கொண்டுவந்தது, கட்டியது என்ற ஒரே காரணத்துக்காக சமச்சீர் கல்வி திட்டத்தை நிறுத்தியும், தலைமைச் செயலகத்துக்கு பூட்டுப்போட்டுவிட்டார்கள் என்று ஜெயலலிதா மீது பரவலாக குற்றச்சாட்டு எழுந்துள்ளது. அதேபோல் ஐஏஎஸ், ஐபிஎஸ் அதிகாரிகள் இடமாற்றம் தொடர்ந்து கொண்டே இருக்கிறது. இதனால் அதிகாரிகள் தங்களது துறை சார்ந்த பணிகளை இன்னமும் தொடங்காததால் தேர்தல் சமயத்தில் முடங்கிப்போன அரசு இயந்திரம் இன்னமும் செயல்பட ஆரம்பிக்கவில்ல.

­கடந்த காலத்தைப் போல சாலையில் செல்லும்போது நீண்டநேரம் போக்குவரத்தை நிறுத்தி வைக்காமல் மக்களுக்கு இடையூறு இன்றி நடந்து கொள்வது சற்று ஆறுதல் அளிக்கிறது. அதேபோல் பத்திரிகைகளை புறக்கணிக்கும் நிலையை கைவிட்டு வாராவாரம் பிரஸ் மீட் தருவதாக சொல்லி இருப்பது செய்தியாளர்கள் மத்தியில் வரவேற்பை பெற்றுள்ளது.

 தேர்தல் சமயத்தில் அளித்த வாக்குறுதிகள் சிலவற்றை ஆட்சிப் பொறுப்பு ஏற்றவுடன் தடாலடியாக நிறைவேற்றி மக்களின் பாராட்டை பெற்றுள்ளார் ஜெயலலிதா. எளிமையாக இருந்து அமைச்சர்களையும் எளிமையாக மாற்றியது, அரசு விழாக்களை ஆடம்பரம் இல்லாமல் எளிமையாக நடத்துவது போன்ற நடவடிக்கைகள் ஜெயலலிதா தமிழகத்துக்கு நல்லாட்சி தருவார் என்ற நம்பி்க்கையை மக்கள் மத்தியில் ஏற்படுத்தி உள்ளது.

அதிமுக ஆட்சி வரும்போதெல்லாம் திமுகவின் தி்ட்டங்களை ரத்து செய்வதும்,திமுக ஆட்சிக்கு வரும்போதெல்லாம் அதிமுகவின் திட்டங்களை ரத்து செய்வதும் வாடிக்கையாகிவிட்டது. இந்தப் போக்கு கட்டாயம் மாற்றப்பட வேண்டும். ஒரு அரசு செயல்படுத்தும் நலத்திட்டம் அனைத்து மக்களுக்கும் முழுமையாக சென்றடைவதற்கு 5 ஆண்டுகாலத்துக்கு மேல் ஆகிவிடுகிறது. இந்நிலையில் அத்திட்டத்தை அடுத்து வரும் அரசு ரத்து செய்துவிட்டால் அது எப்படி பயனாளிகளை சென்றடையும்? செயல்படுத்தும் ஒரு சில திட்டங்களையும் இப்படி ரத்து செய்துகொண்டே சென்றால் அவை மக்களுக்கு நன்மை பயக்காது. ஆட்சியாளர்களுக்கே பயனளிக்கும். எனவே, ஆட்சிமாறும்போது எல்லாம் அரசியல் காழ்ப்புணர்ச்சி காரணமாக திட்டங்களை ரத்து செய்யும் இந்த கீழ்த்தரமான கலாச்சாரத்தை திராவிடக் கட்சிகள் கைவிட்டால் மக்களும் செழிப்பார்கள். தமிழகமும் செழிக்கும்.

அம்மாவுக்கு ஆப்பு!

Share

அம்மாவுக்கு ஆப்பு!

கடந்த தி.மு.க. அரசு, ஏழை, பணக்காரர் என்கிற வித்தியாசம் இல்லாமல் சமமான, சீரான கல்வியை அணைத்து மாணவர்களுக்கும் கொடுக்க வேண்டும் என்ற (உன்னத!?) நோக்கில் கொண்டுவந்ததே சமச்சீர் கல்வி பாடத்திட்டம். 

சமச்சீர் கல்வியை அமல்படுத்துவது பற்றி ஆராய கடந்த தி.மு.க. அரசு கல்வியாளர் பாலமுருகன் தலைமையில் நிபுணர் குழுவை அமைத்தது. அக்குழுவின் அறிக்கைப்படி ஒன்று மற்றும் ஆறு ஆகிய இரு வகுப்புகளுக்கு மட்டும் சமச்சீர் கல்வியை அமல்படுத்தியது. மீதமுள்ள 2, 3, 4, 5, 7, 8, 9 & 10 ஆகிய வகுப்புகளுக்கு 2010-2011 கல்வியாண்டில் சமச்சீர் கல்வி அமல்படுத்தப்படும் என்றும் தி.மு.க. அரசு கூறியது.

அதற்குள் ஆட்சிமாற்றம் ஏற்பட்டு, அ.தி.மு.க. அரசு அமைந்ததும், சமச்சீர் கல்வியை சட்டமன்றத்தில் தீர்மானம் நிறைவேற்றி நிறுத்தியது. இதை எதிர்த்து சென்னை உயர் நீதிமன்றத்தில் பொது நல வழக்கு தொடரப்பட்டு, சமச்சீர் கல்வியை இந்தாண்டே அமல்படுத்த வேண்டுமென்றும் நீதிமன்றம் உத்தரவிட்டது. இத்தீர்ப்பை எதிர்த்து தமிழக அரசு உச்ச நீதிமன்றத்தில் மேல்முறையீடு செய்தது. இதை விசாரித்த நீதிமன்றம் ஒன்று மற்றும் ஆறு ஆகிய இரு வகுப்புகளுக்கு மட்டும் இந்தாண்டே சமச்சீர் கல்வியை அமல்படுத்த வேண்டுமென்றும், மீதமுள்ள வகுப்புகளுக்கும் சமச்சீர் கல்வி தேவையா என்பதைப்பற்றி ஆராய நிபுணர் குழுவை அமைக்க வேண்டுமென்றும் கூறி அந்த குழுவின் அறிக்கையை சென்னை உயர் நீதிமன்றத்தில் தாக்கால் செய்ய வேண்டுமென்றும் அதன் பிறகு வழக்கை சென்னை உயர் நீதிமன்றமே விசாரிக்க வேண்டுமென்றும் உத்தரவிட்டிருந்தது.

உச்ச நீதிமன்ற உத்தரவுப்படி ஒன்பது பேர் கொண்ட நிபுணர் குழுவை முதல்வர் ஜெயலலிதா அமைத்தார்.அக்குழுவில் கல்வியாளர்களே இடம்பெறவில்லை, கல்விக் கொள்ளையர்கள்தான் இடம்பெற்றிருக்கிறார்கள் என்றும் ஒரு சர்ச்சை கிளம்பியது. அதையெல்லாம் கண்டு கொள்ளாமல் வெறும் நான்கு அல்லது ஐந்து ஆலோசனைக்கூட்டம் மட்டுமே கூட்டிப் பேசிவிட்டு, 700 க்கும் மேற்பட்ட பக்கங்களைக் கொண்ட அறிக்கையை கடந்த 5 ஆம் தேதி சென்னை உயர் நீதிமன்றத்தில் தாக்கல் செய்தது தமிழக அரசு. அதைத்தொடர்ந்து நீதிமன்றத்தில் காரசார விவாதங்கள் நடைபெற்று, இறுதியாக தீர்ப்பு தேதி குறிப்பிடப்படாமல் ஒத்திவைக்கப்பட்டது.

இந்நிலையில் இன்று (18/07/2011) சென்னை உயர் நீதிமன்றம் தீர்ப்பு வழங்கியது. அதில், சமச்சீர் கல்விப் பாடத்திட்டத்தை இந்தக் கல்வியாண்டே அனைத்து வகுப்புகளுக்கும் முழுவதுமாக அமல்படுத்தவேண்டும் என்றும் வரும் 22 ஆம் தேதிக்குள் பாட புத்தகத்தை முழுவதுமாக பள்ளிகளுக்கு வழங்கவேண்டுமென்றும் உத்தரவிட்டிருக்கிறது.

இந்தத் தீர்ப்பு அ.தி.மு.க. அரசுக்கு நெருக்கடியை ஏற்படுத்தி இருக்கிறது. இத்தீர்ப்பை எதிர்த்து தமிழக அரசு உச்ச நீதிமன்றத்தில் மேல் முறையீடு செய்ய உள்ளது. ஏற்கனவே உச்ச நீதிமன்றத்திற்கு சென்றுதான் சென்னை உயர் நீதிமன்றத்திற்கே வழக்கு வந்தது. எனவே மேல் முறையீடு செய்தாலும் தமிழக அரசுக்கு எதிராகவே தீர்புக்கிடைக்கும் என நம்பப்படுகிறது.

எவ்வாறு உச்ச நீதிமன்ற கண்காணிப்பில் நடக்கும் 2 ஜி ஊழல் வழக்கில் ஜாமீன் வேண்டி உச்ச நீதிமன்றத்திலேயே மனு செய்து, அதை நீதிமன்றமும் நிராகரித்து எப்படி தி.மு.க.வினர் அவமானப்பட்டார்களோ? அதே மாதிரியான அவமானத்தைதான் அ.தி.மு.க. அரசும் படப்போகிறது என்பது நிஜம்!

சென்னை உயர் நீதிமன்ற தீர்ப்பை பொது மக்களும் பட்டாசு வெடித்து கொண்டாடியிருக்கிறார்கள். முன்னாள் முதல்வர் கருணாநிதியும் 'இத்தீர்ப்பு அரசுக்குக் கிடைத்த தோல்வியென்று நினைக்காமல், தீர்ப்பை மதித்து இந்தாண்டே அமல் படுத்த வேண்டும்' என்று கூறியிருக்கிறார்.

எது எப்படியோ, ஆட்சிப் பொறுப்பு ஏற்ற பிறகு அம்மாவுக்கு வைக்கப்பட்ட முதல் ஆப்பு என்பது மட்டும் உண்மை!

- உமர் முக்தார்.