22.05.2011 அன்று சென்னை தேனாம்பேட்டையில் நடை பெற்ற ஈழ தமிழர் இன படுகொலை நினைவு நாள் நிகழ்விற்கு வருகை தந்து ,நிகழ்வில் கலந்து கொண்ட அத்தனை தோழர்களுக்கும் மாற்றத்திற்க்கான செய்தியாளர்கள் சார்பாக மனமார்ந்த நன்றி .
தமிழகத்தின் மூன்று மாத முதல்வன்
தமிழக சட்டப்பேரவைக்கான தேர்தல் தேதி அறிவிக்கப்பட்டது முதல், பணத்துக்காக ஓட்டுக்கள் விற்கப்படுவதை தடுக்கவும் வழக்கமாக நடைபெரும் தேர்தல் திருவிழா கலாச்சாரத்தை மாற்றும் நோக்கில் அடுக்கடுக்கான விதிமுறைகள் மற்றும் கட்டுப்பாடுகளை விதித்து அரசியல் கட்சிகளுக்கு அதிர்ச்சி வைத்தியம் அளித்தவர்! வாக்களர்களுக்கு பணம், மது, மற்றும் பரிசுப்பொருட்களை கொடுக்கவிடாமலும் தேர்தல் பிரசாரத்துக்காக அதிக செலவு செய்யவிடாமலும் வேட்பாளர்களை திக்குமுக்காட செய்தவர்!
அவர் வேறு யாருமல்ல? தமிழகத்தின் தற்போதைய கதாநாயகனாக பத்திரிகைகளால் வருணிக்கப்படும் தலைமை தேர்தல் அதிகாரி பிரவீன்குமார்தான்!
அரசு அமைப்புகளின் சட்ட, திட்டங்கள் மற்றும் விதிமுறைகளை சரியான முறையில் அமல்படுத்தும் பொறுப்பு அதிகாரியின் கையில்தான் இருக்கிறது. அதுபோல கடுமையான தேர்தல் விதிமுறைகளை தீவிரமாக அமல்படுத்தி மிகவும் தைரியத்துடன் செயல்படுத்தியதற்காக பொதுமக்கள் மற்றும் நடுநிலையாளர்களின் பாராட்டுக்களை பெற்றுள்ளார் பிரவீன்குமார்.
ஜார்கண்ட் மாநிலத்தை சேர்ந்த அவர் கடந்த ஆகஸ்ட் முதல் தமிழகத்தில் பணியாற்றி வருகிறார். பணியில் சேர்ந்த மிக குறுகிய காலத்திலேயே தமிழை பேசவும் எழுதவும் படிக்கவும் கற்றுக்கொண்டார். இதற்கு முன் தேர்தல் அதிகாரியாக இருந்த நரேஷ் குப்தாவை போலவே மிகவும் எளிமையும் அமைதியான சுபாவமும் கொண்டவர். புன்சிரிப்புக்கு சொந்தக்காரர். அதிகாரிகளை கடிந்துகொள்ளாமல் அரவணைத்து செல்பவர். மிகவும் கெடுபிடியாக நடந்துகொண்டதற்காக அரசியல் கட்சியினரின் கடுமையான விமர்சனத்துக்கு ஆளானவர் பிரவீன். ஆனால் அதையெல்லாம் பொருட்படுத்தாமல் தனக்கு வழங்கப்பட்ட பணியை நேர்மையாகவும் செவ்வனே செய்து தமிழக சட்டப்பேரவை தேர்தலை அமைதியாகவும் நேர்மையாகவும் நடத்தி முடித்திருக்கிறார். தமிழக தேர்தல் வரலாற்றில் முதல் முறையாக 78 சதவீத வாக்குகள் பதிவாக மூல கர்த்தாவாக இருந்து ஒரு சாதனை படைத்திருக்கிறார். அது மட்டுமின்றி பணப்பட்டுவாட தொடர்பாக கட்சியினர் மீது பதிவான வழக்குகளில் என்பத்து ஐந்து சதவீத வழக்குகளில் குற்றப்பத்திரிக்கை தாக்கல் செய்யப்பட்டுள்ளது. இவ்வளவு பெரிய பணிகளை கச்சிதமாக செய்து முடித்த பிரவீன் எவ்வித ஆரவாரமின்றி கடந்த 11ம் செய்தியாளர்களுக்கு பேட்டி அளித்தார். அப்போது, மக்களின் உறுதுணையுடன் அரசியல் கட்சிகளின் ஒத்துழைப்புடன் உங்களின் உதவியுடன் வெற்றிகரமாக இப்பணிகளை வெற்றிகரமாக செய்ய முடிந்தது என்று மிகவும் அடக்கமாக பதில் அளித்தார். இது என் கடைசி பேட்டி என்று கூறிவிட்டு விடைபெற்றுக்கொண்டார். பின்னர் வெளியான வாக்கு எண்ணிக்கை முடிவில் அதிமுக அமோக வெற்றிபெற்றது. தேர்தல் ஆணையத்தின் கெடுபிடிகளும் ஆட்சிமாற்றத்திற்கு ஒரு காரணமாகிவிட்டது. கடந்த மார்ச் முதல் மே வரை ஆட்சியாளர்களுக்கு சிம்ம சொப்பனமாக திகழ்ந்த அவர் இந்த மூன்று மாத காலத்தில் முதல்வராக தமிழகத்தை ஆட்சி செய்து இருக்கிறார் என்றே சொல்ல வேண்டும். இந்த 2011 ம் ஆண்டு தேர்தல் மக்கள் மனதில் ஆழமாக பதிந்துவிட்டது. எது எப்படியோ வரும் காலங்கழிலும் இதே போன்றதொரு தேர்தல் தமிழகத்திலும் ஏன் நாடு முழுவதிலும் நடைபெற வேண்டும் என்பதே மக்களின் மிகுந்த எதிர்பார்ப்பு.
இந்நிலையில், அதிகாரி பிரவீன் பதினாறாம் தேதி ஜெயலலிதா தலைமையில் சென்னை பல்கலைகழகத்தில் நடந்த புதிய அரசு பதவி ஏற்பு விழாவில் பங்கேற்றார். இது, அவர் தேர்தலில் அதிமுகவுக்கு சாதகமாக நடந்துகொண்டாரோ என்று மக்கள் மத்தியில் சந்தேகத்தை எழுப்பியுள்ளது.
வீரவணக்கம்!
உலக முதலாளிகளின் கைகூலியான இந்திய ஆளும்வர்க்கம், ஏகாதிபத்தியத்திற்கு ஆதரவான, தன் வெளிஉறவு கொள்கையை மாற்றும் வரை, ஈழ தமிழர்களுக்கு ஆதரவாக குரல்கொடுக்க போவதில்லை என்பதை உணர்வோம்!
இந்த பன்னாட்டு முதலாளிகளின் ஆதரவு கொள்கையினால், பாதிக்கபட்டுள்ள ஒவ்வொரு தமிழனையும், ஏகாதிபத்திய எதிர்ப்பு போராட்டத்திற்க்கு அணிதிரட்டுவதன் மூலம், இந்திய அரசின் மக்கள் விரோத கொள்கைகளை மாற்றுவோம்!
தமிழ்நாட்டில் நடத்தப்படும் ஏகாதிபத்தியத்திற்கு எதிரான போராட்டமே, தமிழீழம் அமைவதற்கும், ஈழ தமிழர் துயர் நீங்குவதற்கும், இனவெறியர்களை தண்டிப்பதற்கும் ஒரேவழி என்பதை உணர்வோம்!
ஏகாதிபத்தியத்திற்கு எதிரான போராட்டமே, ஈழ தமிழர்களுக்கு ஆதரவான போராட்டம் என்ற உண்மையை உணர்ந்து போராடுவோம்!
தமிழீழ விடுதலைக்காக, சிங்கள இனவெறி அரசின் அடக்குமுறையை எதிர்த்து போராடி உயிர் நீத்த, ஒவ்வொரு ஈழ தமிழனுக்கும், எங்கள் சிரம்தாழ்த்தி வீரவணக்கம் செய்கின்றோம்!!!
வீரவணக்கம்! வீரவணக்கம்!! வீரவணக்கம்!!!
மாற்றத்திற்க்கான செய்தியாளர்கள்!
கரியா(ல்)ய் போன மக்கள் பணம் !
பிரிட்டிஷ்காரர்களால் உருவாக்கப்பட்ட சென்னை துறைமுகம் நூற்றாண்டுகளை கடந்து, இன்னும் செயல்பட்டு வருகின்றது. முதலாளிகளால், பிரிட்டன் தொழிலாளர்களின், ரத்தத்தை உறிஞ்சி உருவாக்கப்பட்ட பொருட்களை, இந்தியாவில் விற்க்கும் எண்ணத்துடன் வந்த அவர்கள், துறைமுகங்களை ஒட்டி தங்கள் கோட்டைகளை அமைத்துக்கொண்டனர். பெரும் தொழிற்சாலைகள் மற்றும் பிழைக்க வழி உள்ள அனைத்து இடங்களை சுற்றியும் மக்கள் குடி அமர்வதென்பது இயல்பே. அதேபோல், உழைக்கும் மக்கள், துறைமுகத்தை ஒட்டி தங்கள் இருப்பிடங்களை அமைத்துக்கொண்டனர். காலம் செல்ல செல்ல, பிரிட்டிஷ் அரசாங்கத்தின், சுரண்டல் பொருளாதார கொள்கையினால், கிராமங்களை விட்டு நகரங்களை நோக்கி, ஒரு பெரும் மக்கள் கூட்டம் வந்ததால், துறைமுகத்தை ஒட்டி மக்கள் குடியிருப்புகள் பெருக ஆரம்பித்தன. இத்துறைமுகத்தில் காலம் காலமாக நிலக்கரி, இரும்புத்தாது மற்றும் பல்வேறு ரசாயன பொருட்கள் ஏற்றுமதி மற்றும் இறக்குமதி செய்ய படுகின்றன.
இந்நிலையில், நேற்று, சென்னை உயர்நீதி மன்றம், சென்னை துறைமுகம் வரும் அக்டோபர் மாதம் முதல், நிலக்கரி மட்டும் இரும்புதாது கையாள்வதை நிறுத்திக்கொள்ளவேண்டும் என்றும் அவை புதிதாக துவங்கப்பட்டுள்ள எண்ணூர் துறைமுகத்திற்கு மாற்றபடவேண்டும் என்றும் உத்தரவிட்டுள்ளது. வழக்கறிஞர் ஒருவர் உட்பட, பலர் தொடர்ந்த பொதுநலவழக்கின் மீது இவ்வுத்தரவு பிறப்பிற்க பட்டுள்ளது. இதில் முன்னாள் உயர்நீதிமன்ற தலைமை நீதிபதி சுபாஷன் ரெட்டி, தானாக முன்வந்து எடுத்துக்கொண்ட வழக்கும் அடங்கும்.
இவ்வழக்குகளில், பொதுவாக எழுப்பப்பட்ட பிரச்சனை என்னவென்றால், துறைமுகத்தில் நிலக்கரி கையாளப்படுவதால், அதில்இருந்து உருவாகும் தூசு, காற்றில் கலந்து, ராயபுரம் முதல் திருவெல்லிக்கேணி வரை வாழும் மக்களுக்கு பல்வேறு உடல்நலக்குறைவை ஏற்படுத்துவதே. மேலும், துறைமுகத்திற்கு அருகில் அமைந்துள்ள உயர்நீதி மன்றத்தின் சுவர்களில், கரிய நிறத்தில் மாசு படிவதும் ஒரு பிரச்சனையாகும்.
இதுகுறித்து, சென்னை துறைமுகம் சார்பாக தாக்கல் செய்யப்பட்ட பதில் மனுவில், காற்றில் மாசுகலப்பதை தடுக்க பல்வேறு நடவடிக்கை எடுக்கப்பட்டு வருவதாக தெரிவிக்கபட்டது. மேலும், நிலக்கரி கையாள்வதில் சென்னை துறைமுகத்திற்கு (அரசாங்கத்தால் கையாளப்படுகிறது) பெரும் வருமானம் கிடைப்பதாகவும், இத்தொழிலை நம்பி ஆயிரக்கணக்கான தொழிலாளர்கள் இருப்பதாகவும், ஆகவே நிலக்கரி கையாள்வதை எண்ணூர் துறைமுகத்திற்கு மாற்றினால் சென்னை துறைமுகம் (அரசால் நடத்தபட்டுவருவது) நஷ்டம் அடைவதுடன், தொழிலாளர்களும் பாதிக்கபடுவர் என்று தெரிவிக்கப்பட்டது.
வழக்கம்போல், இருதரப்பு வாதங்களையும் ஆழமாக(இந்த ஆழத்தை அளக்க முற்படவேண்டாம்) பரிசீலித்த நீதிபதிகள், அக்டோபர் மாதத்துக்குள் சென்னை துறைமுகம் நிலக்கரி மற்றும் இரும்புத்தாது கையாள்வதை நிறுத்திக்கொள்ளவேண்டும் என்று உத்தரவிட்டது. மேலும், இச்சேவையில் பணிபுரிந்த தொழிலாளர்கள் அனைவரையும், எண்ணூர் துறைமுகம் ஏற்றுக்கொள்ளவேண்டும் என்றும், அப்படி இல்லையென்றால், சென்னை துறைமுகம் பாதி தொழிலாளர்களையும், எண்ணூர் துறைமுகம் பாதி தொழிலாளர்கலையும் ஏற்றுக்கொள்ளவேண்டும் என்றும் உத்தரவிட்டுள்ளது.
கவனிக்க வேண்டியவை
சென்னை துறைமுகம் இன்றல்ல நேற்றல்ல, கடந்த பல பத்து வருடங்களாக நிலக்கரிகையாண்டு வருகின்றது. மக்களும் ஒரு நூறு ஆண்டுக்கு மேல் துறைமுகத்தை சுற்றி வாழ்ந்து வருகின்றனர்.
சென்னை துறைமுகத்தில் நிலக்கரி கையாள்வது அரசு நிறுவனம். ஆகவே, அதில் வரும் வருமானம் அரசுக்கு சென்று, அதன்மூலம் அந்த பணம் மக்களை வந்து அடைகிறது.
எண்ணூர் துறைமுகம் அரசுக்கு சொந்தமானது என்றாலும், அதில் நிலக்கரி கையாள்வது உட்பட பல்வேறு பணிகளை தனியார் நிறுவனங்கள் செய்துவருகின்றன.
நிலக்கரி கையாள்வது கோடிக்கணக்கில் லாபம்தரும் தொழில்.
ஆகவே, நிலக்கரி கையாள்வது எண்ணூருக்கு மாற்ற படுவது தனியார் நிறுவனங்களுக்கு லாபம் ஈட்டித்தரும் விஷயம் மட்டும் அல்ல இதுநாள்வரை அரசுக்கு கிடைத்துவந்த வருமானத்தை இழக்கவைக்கும் விஷயமும்.
எண்ணூர் துறைமுகம், மாசுவை கட்டுபடுத்தும் நவீனவசதிகள் தங்களிடம் உள்ளதாகவும் நீதிமன்றத்தில் தெரிவிக்கவில்லை (கவனிக்க).
மக்களின் உடல்நலத்தை கருத்தில்கொண்டு இவ்வுத்தரவு பிறப்பிற்க்கபட்டிருந்தால், எண்ணூர் துறைமுகத்தை சுற்றி மக்கள் வாழவில்லையா?????
அப்படி என்றால் இதுநாள்வரை அரசுக்கு(நமக்கு) கிடைத்துவந்த வருமானம்?????
இக்கேள்விக்கு சரியாக பதில் அளிப்பவர்களுக்கு, ராயபுரம் மேம்பாலத்தின் மேல் ஏறி நின்று, சென்னை துறைமுகத்தில் கடைசியாக நிலக்கரி கையாளப்படும் காட்சிகளை பார்க்க, ஏற்பாடு செய்யப்படும்.
அசீப்
நன்றி
அவசரம்: உங்கள் கவனத்திற்க்கு
நம்முடைய அவசரகூட்டம் நேற்று நடைபெற்றது. கூட்டத்தில், இரண்டு வருடங்களுக்கு முன் இதே மாதத்தில், இலங்கையில், சிங்கள அரசினால் கூட்டம் கூட்டமா கொள்ளப்பட்ட தமிழ் மக்களின் போராட்டத்தின் நினைவாக நாம் ஏதேனும் நிகழ்வுக்கு ஏற்பாடு செய்யலாமா என விவாதிக்கபட்டது. கூட்டத்தில் கலந்து கொண்ட அனைவரும் அதற்க்கு சம்மதம் தெரிவித்தனர். ஆனால், கூட்டத்தில் கலந்து கொள்ளாதவர்களிடமும் இதுகுறித்து கருத்து கேட்டபின், நிகழ்ச்சி குறித்து முடிவெடுக்கலாம் என்று தீர்மானிக்கபட்டது. ஆகவே, நேற்றைய கூட்டத்தில் கலந்துகொள்ளாதவர்கள், இதுகுறித்துதங்கள் கருத்துக்களை வரும் ஞாயிறுக்குள் தெரிவிக்கும்படி கேட்டுக்கொள்ள படுகின்றனர்.
நன்றி
மாற்றத்திற்கான செய்தியாளர்கள்.
